Skip to content
Keling, gaplashamiz

Haqida

  • Biz haqimizda

Biz haqimizda

Tariximiz

1998-yilda O‘zbekistonda davlat tomonidan “Oila yili” deb e’lon qilinib, Xotin-qizlar qo‘mitasi qoshida “OILA” ilmiy-amaliy markazlari tashkil etilgan.2002-yilda Andijon viloyatida markaz rahbari tashabbusi bilan “Bo‘ston” nomli nodavlat notijorat tashkiloti tashkil etilgan.2008-yil 26-fevral kuni esa Andijon viloyati Adliya boshqarmasi tomonidan “Mehrimiz sizga” markazi davlat ro‘yxatidan o‘tkazilib, tashkilot guvohnomasi berilgan.

Aloqa qiling

Rahbar haqida​

Markaz rahbari avval Andijon viloyatida tashkil etilgan markazda tibbiyot bo‘limi boshlig‘i lavozimida ishlagan va etarli tajriba orttirgan. 2002-yilda “Bo‘ston” nomli NNTni tashkil etib, ayollar va oilalarni qo‘llab-quvvatlash yo‘nalishida amaliy faoliyat olib borgan.

Maqsad va faoliyat yo‘nalishlari

Markazning asosiy maqsadli guruhi qiyin ahvolga tushib qolgan ayollar va ularning oila a’zolaridan iborat. Biz:

Ayollarga ijtimoiy-huquqiy yordam ko‘rsatamiz,Oilaviy muammolarni hal qilishda ko‘maklashamiz,Ayollarni jamiyatda faolligini oshirishga hizmat qilamiz

Markaz o‘tgan yillar davomida mahalliy va xorijiy grantlar asosida ko‘plab loyihalarni amalga oshirgan.

  • Xalqaro va nodavlat tashkilotlar bilan hamkorlik qilgan,

  • O‘nlab mamlakatlardagi tajribalarni o‘quv safarlari orqali o‘rganib kelgan,

  • Mutaxassislarimiz xalqaro trenerlar va ekspertlar tomonidan tashkil etilgan seminar, trening va tajriba almashuv safarlarida muntazam ishtirok etib kelmoqda.

O‘zaro hamkorlik memorandum va kelishuvlar

  • 2025-yilda “UNIVERSITY OF ECONOMICS AND PEDAGOGY@ NOTM” bilan o‘zaro hamkorlik memorandum.

  • 2024-yilda Odam savdosi jabrdiydalariga yordam berish bo‘yicha Respublika Reabilitatsiya markazi bilan memorandum.

  • 2019-yilda O‘zbekiston yoshlar ittifoqi Andijon viloyat kengashi bilan memorandum.

  • 2019-yilda Andijon viloyati xotin-qizlar qo‘mitasi bilan hamkorlik kelishuvi.

Davlat tashkilotlari

  • O’zbekiston Respublikasi Oliy Majlisi Senati

  • Ayollarni  reabilitatsiya qilish va moslashtirish   respublika markazi

  • Respiblika Tashqi mehnat migratsiya agentligi

  • Andijon viloyati hokimligi,oila va xotin qiz boshqarmasi

  • Andijon viloyati sog’likni saqlash boshqarmasi 

  • Andijon viloyati Kambag’allikni qisqartirish va bandlikni oshirish boshqarmasi

  • Andijon viloyati Maktabgacha va maktab ta’limi boshqarmasi

  • Andijon viloyati «Inson» ijtimoiy xizmatlar markazi

  • Ayollarni reabilitatsiya qilish va moslashtirish respublika markazining Andijon viloyati hududiy bo‘limi

  • Andijon viloyati Ichki   Ishlar Boshqarmasi  

Nodavlat tashkilotlari

  • O‘zbekiston ayollar va qizlar uyushmasi

  • Respublika «Istiqbolli Avlod» ijtimoiy-axborot markazi

  • «Tadbirkor ayol» O‘zbekiston ishbilarmon ayollar assotsiatsiyasi

  • Farg‘ona viloyati «Mehrjon» ayollar va bolalar markazi

  • «Tadbirkor ayol» O‘zbekiston ishbilarmon ayollar assotsiatsiyasining Andijon viloyati bo‘limi

  • «Hamroh» nodavlat notijorat tashkiloti

  • «Istiqbolli Avlod» ijtimoiy-axborot markazining Andijon viloyati bo‘limi

Xizmatlarga qarang

Bizning Maqsadimiz va Vazifalarimiz

«Mehrimiz Sizga» markazi faoliyatining asosiy maqsadi – xotin-qizlar va ularning oila a’zolarini ijtimoiy-huquqiy jihatdan qo‘llab-quvvatlash, qiyin ahvolga tushib qolgan fuqarolarga zarur xizmatlarni ko‘rsatish va jamiyatda ularning o‘rni hamda faolligini yuksaltirishdan iborat.

Markaz o‘z oldiga qo‘ygan vazifalar quyidagilardan iborat:

  • O‘zbekiston fuqarolariga o‘z qonuniy huquqlari, erkinliklari va burchlarini anglashda ko‘maklashish hamda ijtimoiy-siyosiy ong va madaniyatni oshirish.

  • Insonning yuksak ma’naviy boyligi, qadriyatlari va madaniyatini targ‘ib qilish orqali oila institutining jamiyatdagi o‘rnini mustahkamlash.

  • Xotin-qizlar va ularning oila a’zolarini har tomonlama qo‘llab-quvvatlash, imkoniyatlarini kengaytirish va huquqiy savodxonligini oshirish.

  • Xotin-qizlarning mamlakat siyosiy, ijtimoiy, iqtisodiy va madaniy hayotida faol ishtirok etishini ta’minlash va ularni davlat dasturlariga jalb qilish.

  • «Dolzarb aloqa» ishonch telefoni orqali murojaat qiluvchilarga mutaxassislar xizmatini taqdim etish.

  • Qiyin ahvolga tushib qolgan fuqarolarga anonim psixologik, tibbiy, huquqiy va ijtimoiy yordam ko‘rsatish.

  • Reproduktiv salomatlikni muhofaza qilish, sog‘lom oilani shakllantirish va sog‘lom turmush tarzini targ‘ib etish.

  • Aholi, ayniqsa yosh oilalarni hukumat qarorlari va islohotlari haqida xabardor qilish.

  • Ijtimoiy xavfli kasalliklar (OIV/OITS, sil va b.q.) hamda zararli odatlarning oldini olish bo‘yicha dastur va loyihalarda ishtirok etish.

  • Norasmiy migratsiya asoratlari va odam savdosiga qarshi targ‘ibot ishlari olib borish va jabrlanganlarga yordam ko‘rsatish.

  • Yoshlar va ayollar bandligini ta’minlash uchun biznes treninglar, master klasslar va seminarlar tashkil etish.

  • Hukumat buyurtmalari, davlat grantlari va turli jamg‘armalar bilan hamkorlik qilib, ijtimoiy loyihalarni amalga oshirish.

  • Davlat, nodavlat tashkilotlar va OAV bilan ijtimoiy hamkorlikni kuchaytirish.

  • Amaliy seminar, konferensiya va davra suhbatlarini tashkil etish.

  • Markaz tasarrufida qonuniy tadbirkorlik faoliyatlarini yo‘lga qo‘yish.

Xizmatlar